Südtirol Pass abo+
La curiera y la ferata te porta ulachemei
L Südtirol Pass abo+ ie na cherta persunela, eletronica y anuela per sculées y sculeies y studëntes y studënc. Per na spëisa anuela fissa possela unì adurveda zënza lims y flessibilmënter te dut l raion dl trasport südtirolmubiltà y sun la ferates regiuneles nchin Trënt.
Nia da nuzé ne ie l abo+ per viages cun la ferata sun la trassa Prëner-Dispruch coche nce sun chela Sanciana/Vierschach-Lienz, per tò pea la roda o tieres y ënghe de no per i viages cun i Nightliner y la ferates a destanza longia.
L Südtirol Pass abo+ ie da cunvalidé dan uni viac. Per jëunes y jëuni da 14 ani insù vel la regula de tò pea nce la cherta d’identità pra duc i viages cun la curiera y la ferata y de la mustré ca canche l personal de cuntrol se l damanda.